Beda Venerabilis, De orthographia, {g}
| 1 | gula dicendum non gyla, quia y litteram nulla uox nostra adsciscit. |
| 2 | gobius piscis nonnumquam gobio legitur. |
| 3 | gaudium animi, laetitia et exultatio etiam uerborum atque membrorum. |
| 4 | gremium dicimus interius accinctae uestis secretum; sinum exterius sinuatae uestis receptaculum. |
| 5 | gluten neutro genere, glutinis, glutini; sed et glutinum Sallustius dicit, glutini, glutino. |
| 6 | git monoptoton et pluralem numerum non habet. |
| 7 | est autem neutri generis et per omnes casus declinatur. |
| 8 | gracilis gracillimus, non gracilissimus. |
| 9 | gaudeo gaudes perfectum habet gauisus sum. |